Toggaherer’s Weblog

MAAMULKA KISMAAYO OO SHEEGAY IN UU XIDHIIDH KA DHAXEEYO ALQAACIDA SOONA DHAWEYEY HADLAKII OSAMA

Posted on: March 22, 2009

MAAMULKA KISMAAYO OO SHEEGAY IN UU XIDHIIDH KA DHAXEEYO ALQAACIDA SOONA DHAWEYEY HADLAKII OSAMA

Kismaayo 22 Mar 2009 THN
Sheekh Xasan Yacquub Xasan oo ah Madaxa Warfaafinta Maamulka Islaamiga ah ee magaalada Kismaayo ayaa shir jaraa’id oo shalay uu ku qabtay magaalada Kismaayo ee xarunta gobolada Jubada Hoose waxa uu ku sheegay inuu soo dhoweynayo isla markaasina taageersan yahay hadalka dhowaan ka soo yeeray Hoggaamiyaha ururka Al-qaacida Usaama Bin Laden.
“Osaama waxaad moodaa inuu uga xog-ogaalsan yahay xaaladda dalka Culimada halkaan joogta, wuxuuna uga hadlay xaaladda dalka si xaqiiqo ah” ayuu yiri Afhayeenka maamulka magaalada Kismaayo Sheekh Xasan Yacquub oo sheegay in fariinta Usaama ay ahayd mid soo baxday xilligii loo baahnaa.

Madaxa warfaafinta Maamulka Islaamiga ah ee magaalada Kismaayo Sheekh Xasan Yacquub wuxuu sheegay in hoggaamiyaha ururka Al-qaacidan uu xaq u leeyahay inuu soo farageliyo qaddiyadda Muslimiinta caalamka sida ay Maraykanka iyo Qaramada Midoobayba u soo fara geliyaan, wuxuuna intaasi ku daray in gaalo aysan marnaba raali ka noqonaynin Muslimiinta.

“Anaga iyo Osama Bin Laden waxaa na xiriirinaya jihaadka caalamiga ah ee ka socda wadamada Islaamka” ayuu yiri Sheekh Xasan Yacquub oo sheegay in dadka wax ka sheegaya hadalka Uasama Bin Laden ay uga haboon tahay inay wax ka sheegaan sida uu yiri Q/Midoobay, Mareykanka iyo Dowladda Itoobiya kuwaasi oo uu ku eedeeyay inay farageliyeen arrimaha dalka Soomaaliya.

“Jihaadka Soomaaliya ka socda waa mid caalami ah oo dalka looga saarayo gaalada Burundi iyo Uganda ee joogta Garoomadeena iyo dekadaheena” ayuu yiri Sheekh Xasan Yacquub oo sheegay in marnaba aanu joogsan doonin jihaadka ka socda dalka Soomaaliya, isla markaasina ay waxba kama jiraan tahay inuu joogsaday jihaadkii dalka ka socday.

Axmed Kulan (Jookar)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: